Abdullah b. Caxş Səriyyəsi və Bətni-Nəhlə Hadisəsi
Davamı →
İnkişaf etmək istəyənlər üçün maraqlı məlumatlar olan kollektiv bloq servisi
Əlimizdəki mövcud İslam tarixlərinə baxdığımız zaman müəlliflərin yazdıqları əsərləri xüsusilə bu altı başlıq altında ayn-ayn, ya da ümumi tarix olaraq bir yerdə toplamamız mümkündür.
1. İslamdan əvvəlki peyğəmbərlər və millətlər tarixi.
2. Peyğəmbərimizə aid siyər və məğazi tarixi.
3. Ölüm, doğum ya da dövr sırasına görə (tabakat) səhabə və alimlərin həyatlarım əsas alan tarixlər.
4. Bölgə ya da dövlətlər sırasına görə siyasi tarixlər.
5. Ayə və hədislərdə xəbər verilən gələcək əsrlər içərisində olması gözlənilən hadisələr tarixi. Buna Fitən, Məlahim və Qiyamət tarixi də deyə bilərik.
6. Şəhərlər tarixi- Şam, Bağdad, Vasit, İsfahan və.s şəhər tarixi kimi əsərlər.
Tarix keçmişdə cərəyan edən hadisələrin nəqli olduğundan, çox genişdir. Buna görə tarix elmində bütün şöbələriylə kamala çatmış bir tarixçi göstərmək çox çətindir. Tarix, hadisələrin cərəyan etdiyi yer və ölkələr baxımından coğrafiya elmini, insanla əlaqədar olduğu üçün sosiologiyanı, bizdən əvvəlkilərin məlumat və tapıntılarını da nəql etdiyi üçün riyaziyyat, tibb, hüquq, fəlsəfə, əxlaq kimi elmlərin ümumiləşdirmələrini də əhatə edir. Hətta bütün elmlərin incələnməsi eynilə tarixçiliyi tələb etdiyindən elmlər tarixinə də uzanır.